Related Posts
Category : Sports
ભારત-ઈગ્લેન્ડ ચોથી ટ્રેસ્ટ રહી ડ્રો , જાડેજા-સુંદરે ઇંગ્લેન્ડનઈ ટિમનો પાડ્યો પરસેવો .
ભારત અને ઇંગ્લેન્ડ વચ્ચે એન્ડરસન-તેંડુલકર ટ્રોફી 2025ની ચોથી મેચ માન્ચેસ્ટરના ઓલ્ડ ટ્રેફોર્ડ મેદાન પર રમાઈ છે. આજે (27 જુલાઈ) આ મેચનો પાંચમો અને છેલ્લો દિવસ હતો . વોશિંગ્ટન સુંદર અને રવિન્દ્ર જાડેજાએ અણનમ રહીને સદી ફટકારીને મેચ ડ્રો કરી બતાવી છે. જાડેજા અને સુંદરની સદી પછી મેચ ડ્રો થઈ .
તમને જણાવી દઈએ કે મેચમાં ઇંગ્લેન્ડનો પહેલો દાવ 669 રન સુધી બનાવ્યા હતા. એટલે કે, યજમાન ઇંગ્લેન્ડે ભારત પર 311 રનની મોટી લીડ બનાવી હતી. અગાઉ, ભારતીય ટીમ તેની પહેલી દાવમાં ફક્ત 358 રન જ બનાવી શકી હતી. ભારતીય ટીમ પાંચ મેચની ટેસ્ટ શ્રેણીમાં 1-2 થી પાછળ છે, તેથી આ મેચ તેમના માટે ખૂબ જ મહત્વપૂર્ણ છે.
તો બીજી ઈનિંગમાં ભારતીય ટીમની ખરાબ શરૂઆત થઈ હતી. ભારતે પોતાની પહેલી જ બે વિકેટ શૂન્ય રને ગુમાવી દીધી હતી. જોકે, ગિલ અને રાહુલ ટીમની ઇનિંગને સંભાળી હતી. રાહુલે 90 તો ગિલે 103 રન બનાવીને ટીમને મજબૂત સ્થિતિમાં પહોંચાડી હતી. જોકે, તે છતાં મેચ પર હારનું સંકટ બનેલું હતું.જોકે, રાહુલ-ગિલ પછી જાડેજા અને સુંદરે ઇનિંગને સંભાળી લીધી હતી અને ઇંગ્લેન્ડના બોલરો સાથે ખેલાડીઓનો પરસેવો પાડી દીધો હતો. બંને ખેલાડીઓએ એક મોટી ભાગીદારી કરીને ટીમને હારમાંથી બચાવીને મેચને ડ્રો કરાવી દીધી હતી.
એન્ડરસન-તેંડુલકર ટ્રોફીની ચોથી ટેસ્ટ ડ્રો થઈ હોવા છતાં, ઇંગ્લેન્ડ સિરિઝમાં 2-1થી આગળ છે. સિરિઝની પાંચમી અને છેલ્લી ટેસ્ટ 31 જુલાઈથી લંડનના ઓવલ સ્ટેડિયમ ખાતે રમાશે. જો ઇંગ્લેન્ડ અહીં જીતશે, તો ટીમ સિરિઝ જીતશે, જ્યારે જો ભારત જીતશે, તો ટીમ અહીં સતત બીજી ટેસ્ટ સિરિઝ ડ્રો કરશે.
ઇન્ટરેસ્ટિંગ ફેક્ટ્સ
- કેપ્ટન શુભમન ગિલે આ સિરીઝમાં પોતાની ચોથી સદી ફટકારી છે. તેણે એક શ્રેણીમાં સૌથી વધુ સદી ફટકારનારા કેપ્ટનોની યાદીમાં સર ડોન બ્રેડમેન અને સુનીલ ગાવસ્કરના 4-4 સદીના રેકોર્ડની બરાબરી કરી છે.
- શુભમન ગિલ કેપ્ટન તરીકે ડેબ્યૂ સિરીઝમાં 4 સદી ફટકારનાર પ્રથમ ખેલાડી બન્યો છે. તેના પહેલા વોરવિક આર્મસ્ટ્રોંગ, ડોન બ્રેડમેન, ગ્રેગ ચેપલ, વિરાટ કોહલી અને સ્ટીવ સ્મિથે કેપ્ટન તરીકે પોતાની પહેલી ટેસ્ટ સિરીઝમાં 3-3 સદી ફટકારી હતી.
- રવીન્દ્ર જાડેજાએ ઇંગ્લેન્ડમાં 1000 રન પૂરા કર્યા છે. એટલું જ નહીં, તેણે 34 વિકેટ પણ લીધી છે. જાડેજા વિદેશી પીચ પર આવું કરનાર ત્રીજો ખેલાડી છે. તેના પહેલા ઇંગ્લેન્ડના બિલ ફોર્ડ રોડ્સ અને વેસ્ટ ઇન્ડીઝના ગેરી સોબર્સ આ સિદ્ધિ મેળવી ચૂક્યા છે.
Load more
